ရုပ် မြင် သံ ကြား

သစ်ရွက်ခြောက်တွေ သစ်ကိုင်းခြောက်တွေ တစ်ယောက်ကောက် တစ်ယောက်စု တိုင်ပင်ထားကြသလိုမျိုး
တစ်ပြိုင်တည်း စုပေါင်းမီးရှို့ စိုစွတ်မြေနီလမ်းတွေပေါ် တအုံနွေးနွေး ပျံ့လွင့် မီးခိုးဖွေးဖွေးဖြူတွေ
ဘုရားကျောင်းရဲ့ညနေခင်းခေါင်းလောင်းသံချိုချို ထွေးပိုက်သယ်ဆောင်လို့ ။ ဖယောင်းတိုင်မီးမှိန်မှိန်လေး
သံစဉ်လေးအငြိမ့်ညောင်းဆုံး တစ်ခါတည်း အသေမသတ်သေးဘဲ ခြေချောင်းလေးတွေ လက်ချောင်းလေးတွေ
တစ်ချောင်းပြီးတစ်ချောင်း တစ်ချောင်းပြီးတစ်ချောင်း ဓါးကလည်းမထက် စိတ်အေးလက်အေး စိမ်ပြေနပြေ
တစ်တိတိ တစ်တိတိ အိုး....တကယ်ကိုကြည်နူးစရာ ။ အိမ်တံခါးကိုလာလာခေါက် ဘယ်လောက်ကြာကြာ
ငြိမ်ငြိမ်ပဲစောင့်ကြည့်အခါခါ လူခေါ်ခေါင်းလောင်းရှိရဲ့သား တံခါးပဲစွတ်စွတ်ခေါက်နေတာ ခေါက်ဟန်
ခေါက်သံအသွားအလာ အချိန်အခါ ဘယ်သူဘယ်ဝါခန့်မှန်း ခြေထောက်တွေကတော့ တံခါးဆီရောက်လာ
အပြင်ကအတိုင်း တစ်ထပ်တည်း ပြန်ခေါက်မလား ။ မနေ့တနေ့ကလက်ခံရရှိ အဝေးကကြေးနန်းစာ
မဖွင့်ဖောက်ပူဇော် ဘုရားစင်ပေါ် ။ ထိုင်လျက် ထလျက် လဲလျောင်းလျက် တိုင်ကပ်နာရီကိုတစ်ချက်တစ်ချက်
လှမ်းကြည့် ဘာရယ်မဟုတ် အံဆွဲထဲက ဖုန်းနံပါတ်တွေမှတ်ထားတဲ့စာအုပ် ထုတ်ယူ
စာရွက်တွေတစ်ရွက်ပြီးတစ်ရွက် နံပါတ်တွေတစ်ခုပြီးတစ်ခု ခေါ် ကြုံရာကျပန်း တစ်ဘက်ကတစ်ခုခုပြော
ဆိတ်ဆိတ် တုဏှိဘော ပြန်ချ နောက်တစ်ခုမခေါ်ခင် အမှတ်မထင်ထမြည်ကိုယ့်ဖုန်း စိုက်ကြည့်
အသံကိုသာယာ ကောက်ကိုင် တစ်ဘက်ကဘာမှမပြောခင် ကိုယ်ကအရင် ဦးအောင်ဆဲဆို ။ မနင်းရ
ရေးထားပေမယ့် ဖြတ်သန်းသွားလာခြင်းမပြုရ ရေးထားပေမယ့် သြော် ခွေးကတော့ဘယ်သိမလဲ ပူပူနွေးနွေး
 အင်္ဂတေစိုစိုပေါ် ဖြတ်အပြေး နောက်နေ့ အရောက် ခြောက်သွေ့သလောက် မြင်သူငေးစရာ
အထင်းသားသူ့ခြေရာ ။ မြူခိုးတွေထူထပ် ဆီးနှင်းတွေအုံ့ဆိုင်း မှုန်မှုန်မှိုင်းမှိုင်းပတ်ဝန်းကျင်မှာ ဟိုနားသည်နား
ကောင်းကောင်းကန်းကန်း လှမ်းမမြင်ရပါ ။ အမှတ်တမဲ့ အလည်အပတ်ရောက်ရှိစဉ်မှာ မြေအောက်ခန်းထဲ
ရှုပ်ထွေးပြန့် ကြဲ ဖဲချပ်တွေ ပြောင်းပြန်ချိတ်ထား ဓါတ်ပုံတွေ အသုံးမပြုတာကြာပြီလား အမျိုးအစားကောင်း
ဖုန်တက် အသံချဲ့စက်တွေ ။ အချိန်အခါမဟုတ်ကြီးပါ မိုးတွေရွာနေတာ ဓမ္မတာမဟုတ်သောနည်းလမ်းတွေမှာ
တရှိုက်မက်မက် ခုံမင်စွာ ။ အေး ဆေးလိပ်မတိုက်ရင် ဘာမှမတိုက်နဲ့ အစာပိုက်တွေ ဆေးပိုက်တွေ
သွေးပိုက်တွေ အကုန်ဆွဲဖြုတ် ပါးစပ်ထဲဘာရောက်လာမလဲ အကုန်ထွေးထုတ် ဖန်ခွက်ထဲကရေနဲ့
သူနာပြုဆရာမရဲ့မျက်နှာကို ကောက်ပက်ပစ်တယ် ကယောင်ကတမ်း သွေးရူးသွေးတန်း
ကြောက်အားလန့်အား ထထအော်ဟန်ပြုတယ် ။ အလင်းရောင်ကောင်းကောင်းမရ
လေ၀င်လေထွက်ကောင်းကောင်းမွန်မွန်မဟုတ် ညစ်ပတ်ပေကျံ စင်္ကြံလမ်းတစ်လျှောက်
ရေမွှေးနံ့တွေတထောင်းထောင်း ဆေးရုံနံ့တွေတထောင်းထောင်း ။ သူများမိသားစုဆိုပေမယ့် သွေးနုသားနု
မီးနေသည်နဲ့မွေးကင်းစကလေးဆိုပေမယ့် သတ်သတ်ခွဲထားရတာ ကိုယ့်ကလေးကိုယ်ကိုက်ကိုက်စားပစ်တာ
ကြောင်စုန်းဘာညာကတော့ သူတို့အသုံးပါ နွားနို့တိုက်မွေးရမှာ ဆရာဝန်နဲ့ကတစ်လတစ်ခါ ။
ဘာမှန်းမသိတဲ့အကောင်တွေ မြင်မြင်နေ ဘာမှန်းမသိတဲ့အသံတွေ ကြားကြားနေ ခြေတွေလက်တွေလည်း
လုံးလုံးလှုပ်မရ တစ်ယောက်ယောက်ကိုအော်ခေါ်မလို့ ပါးစပ်ကနည်းနည်းမှဟမရ လေထဲကို အလိုအလျောက်
ခန္ဓာကိုယ်ကြီး မြောက်တက်လာ ။ မှတ်မိလား မေး တစ်ချက်စိုက်ကြည့်ပြီး ဖြေမလို မျက်နှာလွှဲ ။ အချိန်မရွေး
နေရာမရွေး ဖော်ပြချင်သူပါ ။ စကားပြောသံကြားတယ် စကားပြောသံဆိုတာထက် ရန်ဖြစ်သံ ထပ်မံဖြည့်စွက်
ဟိုဘက်ကရပ်ကွက် ရပ်ကွက်ရှိရင် လင်မယားရှိ လင်မယားရှိရင် ရန်ဖြစ်သံရှိ တစ်ယောက်တည်းပြောတယ် ။
အခေါ်လွှတ်လိုက်သော ကြယ်တံခွန်တစ်ခု၏ အလိုတော်အရ ။ ခြံစည်းရိုးဆေးသုတ် နည်းနည်းပါးပါးကူညီ
ပျော်ပျော်ရွှင်ရွှင်စီးမျော ကော်ဖီတိုက် သတင်းစာထဲက မြင်ရကြားရ အနည်းအကျဉ်း စကားစမြည်
ပစ္စည်းပစ္စယတွေ ပရိဘောဂတွေ အထားအသို အရွှေ့ အပြောင်း နေရာချ အစအဆုံး အားလုံးပြီးသွားမှ
နောက်တစ်မျိုးထပ်စဉ်းစား အခြားနေရာ ။ ညစဉ်ညစဉ် တစ်ဝက်တစ်ပျက် အိပ်ရာဝင်ပုံပြင် ။
ကလေးကိုခင်ဗျားမရိုက်နဲ့ ကလေးကိုခင်ဗျားရိုက်ရင် ခင်ဗျားကိုဘုရားရိုက်မှာ ဘုရားကခင်ဗျားကိုမရိုက်ရင်
အားလုံးကခင်ဗျားကိုဝိုင်းရိုက်မှာ ။ ဟော လာပြီ တဖွဲဖွဲ ရောက်လာကြပြီ တောက်တောက်ပပ
ညနေခင်းဝတ်စုံတွေနဲ့ ပြုံးရွှင်ရယ်မော မျက်နှာပေးတွေနဲ့ အချိန်ယူပြင်ဆင်ထားတဲ့ ညစာစားပွဲမှာ
ညစာသုံးဆောင်ကြဖို့ ရောက်ရှိလာကြပေါ့ ညစာ ညစာတွေ ။ ။

ဟံလင်း